Wednesday , 17 July 2024
Waltair Veerayya Teaser
Waltair Veerayya Teaser

అసలైన మ.. మ.. మాస్ అంటే ఇదే.. మెగాస్టార్ మెనియా.. వాల్తేర్ వీరయ్య!

మెగాస్టార్ చిరంజీవి మాస్ లుక్స్ తో ఇరగదీశారు. చాలా కాలం తరువాత చిరంజీవి మార్క్ సినిమా వస్తోందనే ఆనందాన్ని అభిమానులకు కలిగించారు. చిరంజీవి, రవితేజ ప్రధాన పాత్రలలో దర్శకుడు కెఎస్ రవీంద్ర (బాబీ) రాబోయే యాక్షన్ ఎంటర్టైనర్ చిత్రం ‘వాల్తేర్ వీరయ్య’. అభిమాణులంతా ఎప్పుడెప్పుడా అని ఎదురుచూస్తున్న ఈ సినిమా టైటిల్‌ను టీజర్ ను దీపావళి సందర్భంగా విడుదల చేసింది సినిమా యూనిట్. 2023లో సంక్రాంతి పండుగ సందర్భంగా ఈ సినిమా ప్రేక్షకుల ముందుకు రానుందని ఈ సందర్భంగా వెల్లడించారు.

చిరంజీవి సినిమాలో ‘వాల్తేర్ వీరయ్య’లో చిరంజీవి నుంచి ప్రేక్షకులు ఎలాంటి ఎలిమెంట్స్ ఉంటాయో అన్నీ అభిమానులకు అందుతాయని ఈ సినిమా టీజర్ స్పష్టం చేస్తోంది. వాల్తేర్ వీరయ్యను ఒక పెద్ద నౌకలో కూర్చున్న విలన్ ఎగతాళి చేయడంతో టైటిల్ టీజర్ ప్రారంభమవుతుంది. అప్పుడు, మెగాస్టార్ వస్తాడు అదీ మామూలుగా కాదు మండే అగ్ని కణంలా.. చేతిలో బీడీ.. నోటిలో పొగ.. ఒకే ఒక్క షాట్ అంతే.. ఇదిచూసిన ప్రేక్షకులకు పూనకాలు వచ్చేశాయి. అందుకే ఈ టీజర్ నెట్టింట్లో రికార్డులు సృష్టిస్తోంది.

మళ్లీ పాత చిరంజీవి వచ్చాడని భావించేలా టైటిల్ టీజర్ అభిమానులను థ్రిల్‌కి గురి చేసింది. మెగాస్టార్ సిట్-అప్‌లు, వాకింగ్ స్టైల్, బాడీ లాంగ్వేజ్.. క్యారెక్టరైజేషన్ అన్నీ చిరంజీవి పాత బ్లాక్‌బస్టర్‌లలోని దిగ్గజ పాత్రల జ్ఞాపకాలను తిరిగి తెచ్చాయి.

ఈ చిత్రానికి ఆర్థర్ ఎ విల్సన్ సినిమాటోగ్రాఫర్ కాగా, రాక్ స్టార్ దేవి శ్రీ ప్రసాద్ సంగీతం అందించారు. అన్ని కమర్షియల్ హంగులతో కూడిన భారీ యాక్షన్ ఎంటర్‌టైనర్ గా వస్తున్న ఈ చిత్రంలో చిరంజీవి సరసన శృతి హాసన్ కథానాయికగా నటిస్తోంది.

మైత్రి మూవీ మేకర్స్‌పై నవీన్ యెర్నేని, వై రవిశంకర్ ఈ చిత్రాన్ని నిర్మిస్తున్నారు. జికె మోహన్ సహ నిర్మాతగా ఉన్నారు. ఈ చిత్రానికి నిరంజన్ దేవరామన్ ఎడిటర్ కాగా, సుస్మిత కొణిదెల కాస్ట్యూమ్ డిజైనర్. కోన వెంకట్, కె చక్రవర్తి రెడ్డి స్క్రీన్ ప్లే అందించగా, బాబీ స్వయంగా కథ, సంభాషణలు రాశారు.

Check Also

Union Budget 2024

Union Budget 2024: కేంద్ర బడ్జెట్ ఈనెల 24 న.. షెడ్యూల్ ఇదే!

Union Budget 2024: మోడీ 3.0 ప్రభుత్వం మొదటి బడ్జెట్‌ను జూలై 24న సమర్పించవచ్చని రిపోర్ట్స్ చెబుతున్నాయి. వర్షాకాల సమావేశాలు జూలై 22న ప్రారంభం కానున్నాయి. ఆర్థిక సర్వే నివేదికను జూలై 23న పార్లమెంటు కు సమర్పించనున్నారు.

India vs Zimbabwe T20

India vs Zimbabwe T20: టీమిండియా-జింబాబ్వే టీ20 సిరీస్ ఈరోజే ప్రారంభం

భారత్-జింబాబ్వే (భారత్ వర్సెస్ జింబాబ్వే) మధ్య నేటి నుంచి టీ20 సిరీస్ ప్రారంభం కానుంది. ఈ మ్యాచ్ హరారేలోని స్పోర్ట్స్ క్లబ్ గ్రౌండ్‌లో జరగనుంది. భారత కాలమానం ప్రకారం సాయంత్రం 4.30 గంటలకు ప్రారంభమవుతుంది.

Euro Cup 2024

Euro Cup 2024: యూరో కప్ లో సెమీస్ కు ఫ్రాన్స్.. రోనాల్డో కల తీరలేదు..

జర్మనీ వేదికగా జరుగుతున్న యూరో కప్ (యూరో కప్ 2024) క్వార్టర్ ఫైనల్ మ్యాచ్‌లో పోర్చుగల్‌పై ఫ్రాన్స్ జట్టు విజయం సాధించింది . ఈ విజయంతో ఫ్రాన్స్ సెమీఫైనల్‌కు చేరుకోగా, క్రిస్టియానో ​​రొనాల్డో నేతృత్వంలోని పోర్చుగల్ జట్టు టోర్నీ నుంచి నిష్క్రమించింది. హాంబర్గ్‌లోని వోక్స్‌పార్క్ స్టేడియంలో జరిగిన ఈ మ్యాచ్‌లో ఉత్కంఠ పోరు సాగింది.

Leave a Reply

Your email address will not be published. Required fields are marked *