Visheshalu Telugu Online News Portal
ప్రపంచంలోని అత్యంత సంపన్నుడు,టెస్లా కంపెనీ యజమాని ఎలోన్ మస్క్ గురువారం ట్విట్టర్‌ను కొనుగోలు చేశారు. కొన్ని గంటల తర్వాత, CEO పరాగ్ అగర్వాల్‌ను తొలగించారు. ఆయనతో పాటు మరో ఇద్దరు అధికారులు, చీఫ్ ఫైనాన్షియల్ ఆఫీసర్ (సీఎఫ్‌వో) నెడ్ సెహగల్, లీగల్ అఫైర్స్, పాలసీ చీఫ్ విజయ గద్దెలను కూడా తొలగించారు.
సోషల్ మీడియా ప్లాట్‌ఫామ్‌లో నకిలీ ఖాతాల సంఖ్య గురించి తనను,ట్విట్టర్ పెట్టుబడిదారులను వీరు తప్పుదారి పట్టించారని మస్క్ ఆరోపించారు. మీడియా నివేదికల ప్రకారం, పరాగ్ అగర్వాల్, నెడ్ సెహగల్ కంపెనీ శాన్ ఫ్రాన్సిస్కో ప్రధాన కార్యాలయం నుంచి నిష్క్రమించారు.
మస్క్ ట్విటర్‌తో డీల్‌కు కారణాన్ని వివరించారు. మస్క్ ట్విట్టర్‌తో ఒప్పందానికి చాలా కారణాలను తెలిపారు. భవిష్యత్తులో ట్విట్టర్ యాడ్ పాలసీ కూడా మారుతుందని మస్క్ సూచించారు. అన్ని వయసుల వినియోగదారులు సినిమాలు చూడగలిగే లేదా వీడియో గేమ్‌లు ఆడగలిగే అత్యుత్తమ అడ్వర్టైజింగ్ ప్లాట్‌ఫామ్‌గా ట్విట్టర్ ఉండాలని కోరుకుంటున్నాను అని మస్క్ అన్నారు.
ఎక్కువ డబ్బు సంపాదించడానికి కాదు, మానవాళికి సహాయం చేయడానికి ట్విట్టర్‌తో వ్యవహరించానని మస్క్ చెప్పారు. విశేషమేమిటంటే, ప్రస్తుత నిబంధనలపై అక్టోబర్ 28 నాటికి ట్విట్టర్ డీల్‌ను ఖరారు చేయాలని మస్క్‌ను కోర్టు కోరింది. ఈ నేపధ్యంలోనే వేగంగా పరిణామాలు మారాయి.
